வட அமெரிக்காவின் பல்வேறு மாநிலங்களில் அனிதாவிற்கு இரங்கல் கூட்டம்..

சுமை தூக்கும்  தொழிலாளியின் மகள் அனிதா வறுமைக்கு இடையிலும் 1176 மதிப்பெண்கள் பெற்று கட்ஆப் மார்க் 196.75 பெற்றிருந்தார். அவருடைய இந்த மதிப்பெண்ணுக்கு மருத்துவம் கிடைத்துவிடும் என்ற நம்பிக்கையில் நீட் தேர்வு மிகப்பெரிய பேரிடியாக வந்தது .. தமிழகத்தின் அரசுப் பள்ளியில் படித்த மாணவர்கள் இந்த நீட் தேர்வில் வெற்றிபெற சிரமப்பட வேண்டியிருந்தது. இதற்குக் காரணம் பெரும்பாலான கேள்விகள் மத்திய அரசின்கீழ் வரும் சிபிஎஸ்சி பாடத்திட்டத்தில் அமைந்ததாக  தமிழகத்திலிருந்து தேர்வு எழுதிய மாணவர்கள் கருத்து தெரிவித்தனர். 

இந்த நிலையில் மாநில அரசு நீட் தேர்விற்கு ஓராண்டு விலக்கு பெற அவசரச் சட்டம் கொண்டுவருவதற்கு முனைந்தது, மேலும் பல அரசியல்வாதிகள் மத்திய அரசு ஓராண்டிற்கு மற்றும் தமிழகத்திற்கு விலக்கு அளிக்கத் தயாராக இருப்பதாகத் தெரிவித்தனர்... இந்த நிலையில் உச்சநீதிமன்றத்தில் நீதி கிடைக்காத நிலையில்ம தமிழக்கத்தில் இந்த ஆண்டு விலக்கு கிடைக்கும் என்று எத்ர்ப்பார்த்திருந்த மாணவர்கள் மிகுந்த ஏமாற்றத்திற்கும் , விரக்திக்கும் உள்ளாகினர். 

இந்த நிலையில் வெள்ளிகிழமை செப் 1, நீட்டிற்கு போராடிய அனிதா தற்கொலை செய்துகொண்டு உயிரை மாய்த்துக்கொண்டார். இது  சமூக வலைதளங்களிலும் , ஊடங்களிலும் பல்வேறு தாக்கத்தை ஏற்படுத்தியது. 

குறிப்பாக வட அமெரிக்காவின் பல்வேறு மாநிலங்களில் அனிதாவின் தற்கொலை நிகழ்வுக்கு நீதி வேண்டியும் , அவரது ஆன்மா அமைதியடையவும் மெழுகுவர்த்தி ஊர்வலம் நடத்துகிறார்கள். இதுவரை அட்லாண்டா ஜார்ஜியா, டெலாவர், மிச்சிகன், நியுஜெர்சி, மிசௌரி, டெக்சாஸ், மேரிலாந்து , வெர்ஜினியா, வாசிங்டன் டிசி ஆகிய பகுதிகளில் அனிதாவிற்கு இரங்கல் கூட்டம் ஏற்பாடாகியுள்ளது..